對RX美容醫學集團十分失望
我在RX做 facial 已超過四年，與那裡的同事都混得算熟，過年的時候都會給那裡的美容小姐派利是，又會帶新化妝品給她們試，然而今次事件實在令我看清這個集團的真面目，亦對此美容中心的待客態度及誠信感到十分失望。
美容小姐會 sell course 很正常，客人會拒絕也很正常，既然我留得那麼久，當然也曾經翻了不少次單，但是總有我覺得適合與不適合的療程，或需視乎自己當刻的經濟狀況，才會決定要或不要美容小姐的推介。
話說那一天，我做完 facial 後，一個新到的小姐 (起碼是我第一次見) 跟我扮熟之餘，死纏爛打地推介我一個新的療程，在我拒絕多次後仍然不斷追問「為什麼不需要？」我心裡確實有點不耐煩，後來不知因何神推鬼拉的給她重新計算過後，我答應了購買療程，給了信用卡她替我辦理分期手續，然而不一會，我想清楚後覺得還是不想要這個療程，馬上跟正在辦手續的小姐說「我還是不要了」，可是她給我的答覆是「所有手續已完成了，妳簽個名便可以啦。」我在簽名前再次詢問「真的不可以取消嗎？」對方並沒有正面回應，只是不斷說服我簽名，而愚蠢的我竟然不知道假如我堅決不簽名，她是拿我沒辦法的 
，最後我在無奈的情況下簽了這個極不願意的「合約」。
過兩天，我為了此事覺得十分困擾至睡不著，致電信用卡中心了解情況後得知只有美容中心可以取消該簽賬，便特地上門再次跟她們說希望取消。下午我到達時她們先說經理沒回來，我根據她們說經理回來的時間1小時後再回去，還說經理有事未到，經理回來後致電給我，結果又等了1小時，還是我自己致電過去才知道經理已回來，可是當我再上門和經理商討後，她似乎十分不願意合作，只是用一些自己的想法來嘗試否定我的感受，最後她答應替我寫 report 到公司嘗試申請取消和退款，但機會很微，她還表示下星期會給我跟進及回覆。今次被她們拖延了3小時，事件還沒有解決，我到了消費者委員會查詢，讓我知道需要時可以怎樣做。
第二天我也給總公司發了一封電郵，訴說我的情況和要求，可是過了經理答應給我回覆的日子，經理和公司都沒有給我一句回應。
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
失望一：她們的消售手法確實令人感覺很不舒服，我個人認為客人拒絕了三次便應該停止繼續銷售，否則會惹來反感。
失望二：當客人提出取消的要求時沒有正視，以為混過去便可以，誤導客人不能取消。
失望三：勉強一位長期客戶做不願意的事情，蠢蠢蠢！！！今次無論結果如何，我都不會再給她們多賺一分錢！！
失望四：有問題時不願意聆聽客戶需要及協助解決問題，只是懂得拖延及嘗試說服客人這是自己的問題，差差差！！！
失望五：公司的誠信實在有問題，明知道我十分緊張事件，我只希望至少得到一個答覆，然而過了期限都沒有給我回覆，電郵也沒有人覆，證明此公司的作風就是這樣「不了了之」，以為事情過後客人的氣消了就不用解決問題，天真天真！！
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
在連鎖商舖買數百元的減肥用品也有七天滿意保證 (幾十元的洗頭水也有十天滿意保證)，只要客人不滿意，不論原因都可以退款，如果產品及服務是真實及可取的，取消條款是對消費者很合理的保障，及對公司的聲譽有利而無害，然而這家公司的所有條款均是保障自己的 (我後來細閱才知道)，但在簽署前從來都沒有向客人詳細解釋合約內容，服務比寬頻sales更差。今時今日這樣的服務實在太無法無天了！
不過坦白說大部分美容中心都是如此，相信市場上不良銷售手法的美容公司多的是，各位姊妹 join course 前真的要三思，考慮清楚自己有沒有此需要呢！我自身的經驗是，無論做什麼療程，剛做完出來一定有效果的，如果離開後效果依然持續 (至一星期最理想)，那麼便是一個好的療程，否則做來都浪費時間，所以如果目標是效果的話，即時決定 join course 與否其實是很愚蠢的行為 (這也是我提供的 facial 服務逐次收費的原因，無謂讓大家做出後悔的決定)。
我自己也懂得美容，老實說我用的產品效果比她們用機做的更好，只是有時自己較難替自己做和享受那一刻的放鬆，才會付款到美容中心做 facial。今次事件我已預計不能獲得退款，但令我很清楚自己未來的方向 — 不會再相信任何美容中心，以及不會再給她們在我身上賺取一分一毫！留下的錢可以讓我買更多更好品質的護膚品呢！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
事後補充：不知多久以後他們給我回覆下次光臨時送我比我那個course價值更高的產品，然而因為我對此公司已失去全部信心，我接近一年沒有再回去，之後去過一次，但事過人遷，已沒有人再提及那件事，也沒有跟進什麼 (幸好也不敢再sell我)。反正去是我的權利，不去也是我的選擇呢！
我來過這家美容院，我認為沒有你們說的那麼壞。
好笑，開頭好好吹好nice，之後係咁翻單，佢地sales完一話要考慮就會真係站起度等你考慮，你出黎既答案係唔接受no
其實我都係係rx做左三年到,最近要我續plain,咁我已經信用卡個額唔夠,咁佢只係寫左訂單我簽,刮左我張信用卡資料,話下個月俾$3000訂單,
我之後個日打去話取消個訂單(因為黎緊去台灣讀書,都唔知幾時番),佢拖左我兩日,又話”你會番黎架ma,幫你照hold”呢啲冇腦說話,我直頭打去x佢咁制,佢之後先話可以取消,但你簽左$3000訂單,所以要我$3000,到時幫我換其他嘢
我睇過佢啲條款,全部冇訂單冷靜期,但收據後面條款有寫六個月內未付款,逾期無效.
想請問咁多位,我到而家都冇俾佢碌左錢,但刮左信用卡no,其實係咪死都唔俾佢就可以取消張訂單?
你識唔識1個叫黃偉鋒既人？Dennis Wong, 佢呃左我7萬幾…
我想搵佢，唔知點搵到佢…
有沒有人知安生醫學美容集團 控股 有限公司銅鑼灣的電話，我有張單連電話地址都無，我只買了兩次Facial,想預約，但無電話
在美容院被人sell course 好正常,你自己有主意，够定力得了，莫賴人，一切都係虚荣心作怪先被人氹到。
謝謝你們數臭佢給我知…佢地E+做緊團購POMO..你地臭的是什麼分店??
有好多人因為覺得5好意思.面子問題.同想快D走所以簽左..佢拖我時間既我只會簽都5簽即刻走..次次都係咁..如果咁易被SALE..女人賺8萬都沒用..我份人好講價值..5值就5值..錢是我的比也是我..悶什麼沒面?..因為要面同快D走而無啦啦沒左幾萬..你發夢!金錢實際..何需因為的一刻的感覺和環境搞成自己咁..有D美容院即使幫襯左佢..佢地5會因此而對你態度服務好好..因為對佢地嚟講..個數5算大5萬以下..比完錢還得上去做成日見..次次見都次次受氣的話..何必??為咩??為咩要成日見到E班人??
簡單一句…再怎SALE同什麼態度..你5簽佢吹你5漲..我聽了不少人說簽了後退錢..我不是做美容先說明..你買野沒唸清楚是你問題..我是一個堅持不簽的人..因為要求高..試左咁多間得2間我鐘意..當然被我拒絕的一定有比面色我睇..也有追問為什麼不需要..我只有說一句"不需要就是不需要"跟住有個試過話..係女人都需要架喎? 跟住我就會問佢..你真的想知道答案嗎??佢話5緊要叫我講懶沒野咁..我話:我5鐘意你地D服務態度同埋產品用D野一般..裝修也沒感覺..裝修沒感覺怎能有RELEX?我上美容院比錢還要受氣?你憑咩要我幫襯你幾萬蚊..你D產品..出面有D美容院同你價錢收得一樣..旦用野好過你好多?你咩合格?態度??產品???裝修???跟住佢沒聲出
朋友們你好:
我已前在這間公司做 consulter的,大約是5年前.我做了不夠一個月已經無做啦,原全唔可以認同佢地嘅生意手法,你們說得對,這間公司真的很有問題,其實個時佢地係無總公司架,(現在不知有沒有),但當有人投訴佢地就會話咩重公司咩重公司咩,跟本就係費話.因為當時經理又係佢老細都係佢RUBY & ANSON 連講寫字樓都係佢地.由我第一天返工………惡夢就開始,小姐們你地真勁咁都可以係到做左咁耐facial.其實你地去左咁多次有冇睇下佢地用D咩貨同你地做呢？
由第一天返工佢地就教我不停叫客開course,如果唔開………就唔會放你地走,就算你個course係做第一次都一樣要開,如果你地唔比錢,佢地會搵剛剛做美容嘅學徒嘅妹妹仔幫你地做.
最令我覺得慘就係果D連社會都未接觸嘅學生,佢地會幫你做分期,有時D妹妹仔會借到幾萬元(AEON分期),真係太過份.
所以以後大家都要小心小心!!!!!!!!!!!!!!!!!
hello, 我在剛過左的 27/4/2011 就發生了, 如早點看你這裡就好啦, 現在我發了一封信出去, 希望各方能為我找渠道解決, 我COPY我的信給各位看吧……
『
投訴銅鑼灣分店 RX BEAUTY 美容
敬啟者, 希望你們能為本人轉到有關渠道去給予我援助, 萬二分感謝.
事情是這樣的, 本人收到香港美容協會的電話說是做神秘客人兼有優惠價做 facial, 但幫襯後發現RX Beauty 好有問題, 銅鑼灣地址是謝斐道500號, 維安商業中心9/F, 我上到去原以為可以用提及過的$98做 facial, 但已有 SALES即時游說我說加多$168便可做埋機護理面部, 這優惠價不容有失, 咁完事後我便出去想著結賬時又要我入一個房間, 繼續游說我JOIN 這樣各樣的PACKAGE, 他們看重我剛做完FACIAL意志輕鬆便不斷去衝擊我的薄弱意志, 使我覺得以$200元超抵價便可獲得再次幫襯做各樣FACIAL, 經過良久的不勝其煩的推銷, 我發現原來已開了我幾張單, 由第一次3千多元, 繼而1萬多元, 合共用了2萬4千元去EPS了我的銀行CARD, 我一落樓便致電老公提及此事, 得到的是極力反對, 並即時要我立即上去取消JOIN此公司的PACKAGE, 與此同時我亦發現不見了銀行CARD, 原來一上去方知他們根本未歸還銀行CARD給我, 我亦向他們提出取消要求說家人壓力, 但他們已說不能退了, 因為用EPS, 及各樣其他總總理由, 我企硬與他們理論取消, 最後他們還是要我到第二天再給我方法嘗試去解決取消問題, 但到今天已30號, 我已用EMAIL, 致電並親身上去了都還是未給我答覆退款事宜, 我早已向他們表明自己亦應當付一個ADMIN FEE 5%當作本人的誠意但都未達共識, 本人唯有繼續找渠道方法看看能否將事情盡快完滿解決, 而在網上看到關於這一間公司在討論區中的新聞, 越感心寒, 現在本人心急如焚希望你們為我去尋真, 或申訴, 我為著這事情已開此抑鬱, 睡不著, 要食鎮靜劑才能 安睡, 極之希望得到你們的跟進, 或可與本人聯絡詳細告之, 我真的很笨及為著此事自信心都冇埋 …… !!
p.s.
其實我都係係rx做左三年到,最近要我續plain,咁我已經信用卡個額唔夠,咁佢只係寫左訂單我簽,刮左我張信用卡資料,話下個月俾$3000訂單,
我之後個日打去話取消個訂單(因為黎緊去台灣讀書,都唔知幾時番),佢拖左我兩日,又話”你會番黎架ma,幫你照hold”呢啲冇腦說話,我直頭打去x佢咁制,佢之後先話可以取消,但你簽左$3000訂單,所以要我$3000,到時幫我換其他嘢
我睇過佢啲條款,全部冇訂單冷靜期,但收據後面條款有寫六個月內未付款,逾期無效.
想請問咁多位,我到而家都冇俾佢碌左錢,但刮左信用卡no,其實係咪死都唔俾佢就可以取消張訂單?
無得取消~ 佢哋話張單已經上咗總公司，規距唔可以取消，只係可以送返價值比個course仲貴的產品給我，最後都無奈接受，但我那次以後都沒有再返去做過facial，不知道是否真的會送，因我真的不稀罕呢~ 我上次是過了兩日，他們說張單返咗公司，你即管試下盡快打去同佢地講取消，睇下佢地點答啦~ 不過可以取消的機會好微呀… 祝妳好運！
我尋晚都被佢地 sell 左 upgrade 做 VIP, 我原本都係斷然拒絕的, 佢地都係重新計算過後, 說我可以比一半訂先, 真係有信心先比餘下的一半, 唔鍾意咪唔加, 加埋分期金額都叫承受到, 我都神推鬼拉的答應了. 回家後再想, 佢地都真係成日轉 Consultant, 張單又話唔可以寫到明餘下果半可以唔 join, 第日佢地反口點算. 同埋join左的金額, 真係足夠我做三幾年,如果佢地執左又點算. 尋晚係訓唔著, 怨自己蠢,唔夠定力.
你最後都係無得取消個 course?
我自從上次事件後都沒有再去做 facial了, 當然確實是自己時間問題, 已買的course我也會盡可能做埋佢的, 只是心裡很清楚不會再讓他們哄到了~ 你也要堅定一點, 去做就做, 不要再加任何錢做其他事~ 祝你好運吧~
我嘅處境同你相似，都係 RX 嘅長期客戶。我可以話哩間 facial salon 運作好有問題，同一個 course 每個 consulter 講嘅嘢可以完全唔同，而且哩間嘢成日換 consulter ，之前我比一個 consulter 跟進，佢 sell 咗我買 Plan A course ，我買完之後不久，又第二個 consulter 跟進我，並話我哩個係 Plan B ，唔係 Plan A ，並且冇得轉。頂 ! 仲叫我加 course ，我火都嚟埋。之後又話會幫我跟進番，跟跟吓佢連影都冇埋 !
我無奈加多 10 次 course ，來換取佢哋幫我轉番做 Plan A 。
當我比咗幾千蚊釘金 ( 用 EPS 過咗數後 ) ，幾個 consulter 圍住我話 10 次入唔到機，要求我做多 5 次 ( 則 15 次 ) ，喺到死磨爛磨，我唔肯，同佢哋理論咗 30 分鐘。無奈我已經比咗釘，又有嘢比佢要脅，我可以點 ? 唯有無奈應承。點解哩班 pk 唔一早講，要我比咗釘先講，誠信極差 !
喺哩件事上，完全係佢哋處事有問題，為何要消費者承擔！我感覺自己係比佢哋扼完又扼；手頭上仲有好多 course未完 唔知點算 !!
謝謝你的留言~ 所以我只能說是自己愚蠢了~ 但經一事，長一智，保證不會有下次呢!!
I truly understand your feeling…those selling method in facial salon is really worst…I have similar case in my salon too but I refuse to buy only